دوور له گڵۆڵهکهی دایکمهوه ، خهیاڵات | بهرزان ههستیار
 ئهو سپێده ڕهنگ پهڕیوهی ،...... دایكم وهك پیرهدارێكی میهرهبان بهسهر مهینهتییهكانی خۆیدا بهربۆوه ، ئهوهم له خۆر ڕائهبینی .... سبهینێ نهچێته سهر كار ، یان هیچ نهبێت قردێلهیهكی ڕهش بدات له یهخهی چاكهته ڕهنگ زیوییهكهی ، كه مهستییش هێندهی چنگێكم ئههێڵێتهوه ، وا ئهزانم ، شهقامیش خۆی لوول ئهكات ، كۆڵان به كۆڵان لهگهڵما ئهگهڕێت و گۆرانیهكی كزهڵه و پهشۆكاو ئهچڕێت ئاسمانیش خزمایهتیی نمه و ڕههێڵه ناكات و ڕێگهی بروسكهش نادات ببێتهوه به دراوسێی ؛ ئهفسووس ، شتاقیان نابینم و ههموو خهیاڵه تهڕهكانم سترانێكی ، لێو شهقار .. شهقارن ، .... له سارایهكی كاكی به كاكییدا ******* لهوه بێ ئاگا نیم
ههتا قامی قیامهت ، سهر بهرهو ژوور گالیسكهیهك داژووم و له بانی سهرهوه ، بهر لهخلبوونهوهی ئهو تل ئهبمهوه دامێن ؛. خودا هیچی بۆ نهماوهتهوه ،..... گهڕی ئهو شیعره پاڵتۆ زلانهم پێ ئهكات ئهو پاڵتۆیانهی ههزار و یهك گیرفانیان ههیه ، ههزار و یهك شێتی قسه خۆش و ههزار و یهك سهرخۆشی ڕۆح سووك و ههزارو یهك قهیره كچی شهڵاڵ ، به ئاهی وشك و ههزارو یهك بێوهژنی وشك ، به حهسرهتی تهڕ و ههزار و یهك دڵۆپه فرمێسكی ترساویان ، تیا جێ بۆتهوه خودا هیچی دی شك نابات ، به ساویلكهیی خۆم تاوانبارم ئهكات لهو دڵسافییهم ئهپێچێتهوه ...... كه بڕوام به بێ ئهقڵیی گوێ درێژ و سپڵهیی پشیله و پیرۆزیی پهرهسێلكه نییه ؛ من ههر وا بووم ، به منداڵییش ئالوودهی ئهو گهمانه بووم كه هاوڕێكانم به پهرێزیاندا نه ئهچوون به ههرزهییش ، بهو كچانهم ئهوت خۆشم ئهوێن كه كوڕانی گهڕهك ، ..... شهو نهبوو پێیانهوه شهیتانیی نهبن ******
چهند جوانه ههمیشه له ئاوازێك بخوێنیت ..... دراوسێكان تهقهی سهریان بێت ، لهسهر پهیژهی ههشتهمی مۆسیقاوه بژهنیت و سێ شهممان سهر بتاشیت و چوار شهممان نهچیته سهر " شهخس " و ڕۆژی ههینی بچیته قوتابخانه و به شهوان نینۆك بكهیت و جهژنی "ڕهمهزان " چوار ڕۆژ و " قوربان " یش بكهیته سێ ڕۆژ ؛ گهورهییه ، له حهوسهڵهی ئهو كرمه بچووكه ڕابمێنیت ….. به كاوهخۆ ، شهڕێكی نا بهرابهر لهگهڵ خاك ئهكات ، لهو مراوییه ورد بیتهوه به باڵی خوێناوییهوه.... بێچووهكانی له سێرهی ڕاوچی قوتار ئهكات و له بانیژهی ئهوانهوه ،.... كرانهوهی شكۆفه و ههڵوهرینی پهڕه ژاكاوهكانی خۆت بخوێنیتهوه ******* ئهوێ ڕۆژێ ،....
دایكم لهسهر چهرپای قاچ شكاوی سێبهرێكی خهست ، سێبهرێكی عهبووس ، ..... سێبهری " مردن " ، لێی ڕاكشا و كهچی ، بۆ بهیانیی خۆر ، وهك نه بای دیبێت نه بۆران ..... ههر له ڕۆژههڵاتهوه له خهو ههستا ، ڕووبار ههر سهربهرهو خوار هاژهی ئههات و باران به ڕیتمی جارانی ئهباریی ، ئیتر گومانم لهوه نهما ،...... ئێمه ههموومان ڕهنگێكی مردووین ، ..... له كهڤاڵێكی فهرامۆشكراودا ، ئێمه ههموومان سهرقاڵی ڕاونانی سێبهری خۆمانین ،...... له نیوهڕۆیهكی گهرمی پڕ غهفڵهتا ؛ ئێمه ههموومان گهمهی شكاوی دهستی منداڵێكین كه چیدی كهڵكی ئهوهمان نهماوه ... خۆیمان پێوه خهریك بكات ، گهمهیهكی تووڕ دراوین ، گهمهیهكی تۆز لێ نیشتوو. بهرزان ههستیار
مایسی2009 كۆلن/ ئهڵمانیا bhastiar@yahoo.de  |
بۆچوون نووسینناردنی ئهم بابهته بۆ هاوڕێیهك
|
          |
|
|
|
|
|
|
|
|
|
 |
 |
 |
 |
 |
 |
 |
 |
 |
 |
>>> زۆرتر
داتاشینى دیکتاتۆر |
بێدهنگیو هۆكارهكانی |
ڕووبەری کۆمەڵایەتی |
>>> زۆرتر
له رۆمانی "زهنگهكان بۆ كێ لێدهدرێن" ئهرنست ههمنهگوایدا. |
کتێبی بهفر |
شاعیرێ وێنه دهکێشێ |
>>> زۆرتر
>>> زۆرتر